خشتي الورديه ....... موقف من مواقفي المحترمه ..^_^

اهلييييييييين و سهلين و مرحبتين
ايشلووووووونك؟ شخبااركم؟؟؟ان شاء الله بخير
المهم عندي موقف .. ذكرته وقلت ورا مازركشه وانزله لكم
عاد المواقف عندي كثييييييييييييييره .. شفتوا ((الموقف المحرج)) هذا خويي الروح بالروح
وعلى طوووول خشته لازقه بخشتي .. حتى في الحلوم مايتركني..
مسبب لي ازمه ماليه << تسمع فيها ولاتدري ويشي .. خخخخخخخخخخ
والله من مره موب كنست وجهي .. وبس ..
إلاااااااااا .. ضفيته بالقلابي .. من قوي طيحته ..
وخوذي عندك هالموقف .. اننننننننننننننحسد عليه ..
في ..
يوم من الايام ..
ومره من المراريت ..
وساعه من السويعات ..
ولحظه من اللويحيظات << اخلصي لايجيك طراق يلزقك بالجدار ..
كان عندنا مدرسه .. اوووووف عليها ذيك المدرسه .. قويييييييييييييييييه .. تخووووووووف ..
كلن يخاف منها .. حتى المديره تداريها اتقاء لشرها ..
المهم كانت علينا الحصه الثالثه .. ومايخفيكم محاكيتكم اكبر مشاغبه . .
بس اذا جات حصتها .. والله من العقل والذرابه والشطاره اللي تنزل علي <-- والله بلاه من الذراق اللي فيك
اقولكم يوم دق الجرس طلعت مدرسة العربي .. وكل الفصل يخترش ..
اللي تعدل جلستها واللي تسطر الدفتر واللي ترتب طاولتها ..
وانا عااااااد ام الفوضى كلش يبيله ترتيب .. ومن زود الحوسه اللي عندي .. قاموا يساعدوني صديقاتي ..
واشوى مادخلت علينا .. الا وانا مترتبه .. بس .. نسيت ارمي العلكه ..
وااااااااااو والله المشكله .. ان رميتها .. شافتني .. وهي بسم الله مثل العنكبوت .. لها سبع عيون ..
وان تركته مشكله .. خابره نفسي ماأقاوم العلك .. اكييييييييييد ابعلك فيه ..
قلت اباحطه تحت لساني .. واحاول اتناساه ..
قام قرقوش .. عفوا قصدي المدرسه .. تفتش على الواجب ..
يوم مرت من عندي .. وهي تسحب دفتري بقوه .. انا خلاص تجمدت بمكاني ..
وتطالع فيه ثم صرخت وقالت ...
ممتااااازه احسننننتي .. هي الوحيده اللي اجابتها صح .. كلكم صفقوا لها..
وانا اقول بقلبي .. الله يرجك ياهبله رجيتيني ..
عاااااااااااد بعد التصفيق .. تعرفوون اننننننننننتفخ راسي .. وصاروا البنات مايشوفون السبوره من دمجتي ..

قام قرقوش وبدا بالشرح .. وبصراااااحه عليها شرح .. عجيييييييييييييب ..
المهم وهي قاعده تشخبط على السبوره .. انا نسيت نفسي وقعدت اعلك بالعلك .. وياليته على كذا وبس ..
وقمت ونفخت العلك لييييين انفقع ولزق بخشتي .. واثناء هذه اللحظاااات العصيبه << مايمديكم عالفصحى
التفت قرقوش ..
قن ..
ققن ..
قن ..
انا مادري وين اودي خشتي .. لازقن عليها العلك .. والذبان تدودي عليها ..
مادريت الا هي جايه ترررررررركض لمي .. وهي ماشاالله عليها .. عملااااااااااقه .. جثة فيييييييل ..
الفصل يهتز .. من ركضها ..

بصرااااااااااااحه انا في ذيك اللحظه بغت تجيني سكته من هول الموقف
الله لا يوريكم جت ومسكتني .. وتسحبني كني عنز .. وتطلعني برا الفصل ..
وتمر بي على كل فصل .. وتوريهم خشتي الورديه ..((هذا العلك لونه وردي)).. ومرنقطه باسود ..((هذا الذبان الله يجيركم ))..

واااااااااااو والله ياهي فضيحه .. تلون وجهي 60 الف لون ..
وعند كل فصل يطيح اما خشمي والا اذاني والا خشتي <---- اصعب للتجميع ...
وياليتها وقفت على كذا وبس .. تهزأني عند كل فصل ..
وطبعا صرت مشهوره .. باسم الخشه الورديه ..
وصرت علك بحلوقهم شهر كامل ..
ومعلم من معالم المدرسه ..
حتى اذا جات طالبه جديده عندنا .. اول شي يورونهياه في المدرسه انا وبالاخص خشتي الورديه ...
حسبي الله عليها .. عمري ماراح انسى هالموقف الي مر علي في تالت متوسط ... المميز في حياتي
تحياتي //

هههههه